Women in Jazz, bator seradas a Nora

Protagonistas a Women in Jazz a austu Gambarini, Russell, Andrade e Aimée

Ùrtimas preparativos pro s’International Nora Jazz Fèstival dedicadu a sas fèminas. Sa kermesse musicale Women in Jazz ocannu festat sos suos primos deghe annos brindende paris a bator artistas de fama mundiale. In su palcoscènicu de su Teatru antigu de Nora, de su 1 a su 10 austu, ant a andare in iscena bator fèminas de prim’òrdine: Roberta Gambarini, una de sas pagas vocalist no americanas pro duas furriadas candidada a sos Grammy; Catherine Russell, tra sas prus importantes jazz singers de s’iscena internatzionale; Mayra Andrade, protagonista de un’istile chi unit afrobeat, jazz, folk, traditzione cabubirdiana; Cyrille Aimée, tra sas prus apretziadas vocalist europeas in terra de Amèrica.

B’at una contagiosa ditza de bìvere in custas bator artistas, boghes grintose, abbaglianti, de sos fortes vibrados, chi fundent blues, pop, morna e afrobeat pro posca s’isòrbere ineluttabilmente in su jazz. Un’ editzione comente a semper organizada dae s’Assòtziu Entes Locales pro s’Ispetàculu e de sa Comuna de Pula, chi s’at a tènnere in s’istraordinària location de su Teatru Romanu de Nora.

Un’apuntamentu chi s’afidat a su faschent e a s’arcanu de s’universu feminile pro cumbidare su suo affezionato pùblicu a bator seradas de manna classe. Palcoscènicu tra sos prus balentes e ammajadores de s’Europa festivaliera, naschidu in suta de su sinnu de sa chirca e de sa calidade, in s’in antis dècada de austu Nora Jazz proponet unu calendàriu de artistas destinadas a arricare su parterre de istràngios de fama mundiale chi, annu a pustis de annu, sèberat custu fèstival comente a ùnica tapa esclusiva de sos giros suos in Sardigna.