“Hallelujah”, in sa versione sarda de Nicola di Bànari

Sa versione in limba sarda de su petzu prus famadu de Cohen cantadu dae Bànari

Podet èssere chi su bonu de nois l’apat connota interpretada dae Jeff Buckley, su cantautore chi nos lasseit binti annos a como abbratzende·si sas abbas de su riu Wolf, in Memphis. “Halleluja” de Leonard Cohen como faeddat in sardu gràtzias a s’adatamentu de Lisandru Carta, est a nàrrere Nicola di Bànari.

La podimus iscurtare in sas prataformas Youtube e Deezer. Lisandru, cun boghe funduda subra de un’arpègiu de chiterra e unos cantos tzìrrios de violinu (sonadu dae Pepinu Anfossi), giogat cun sa guarnissa aprontada dae s’artista canadesu pro b’insertare sos meledos suos in limba nostra. Tocat a l’iscurtare.

Su petzu essit acumpangiadu dae unu vìdeu chi, pro sas ripresas e su montaggio, ghenna sa firma de Eugenio Unida.

Hallelujah est su segundu sìngulu de su cantautore sardu chi antìtzipat sa bessida de s’album PRO AMORE (Tronos Digital), prevìdida pro martzu 2018.

De semper autore de sos Nasodoble, Nicola de Bànari – acumpangiadu dae su violinista Peppino Anfossi, cun cale de semper collàborat – dat su bia a unu percursu personale chi si caraterizat de unu chirru pro su sarcasmo e sa leggerezza cun cale trata sos temas tziviles e de s’àteru pro s’intensidade de sas cordas prus sentimentales.

CHI EST NICOLA DE BÀNARI

Alessandro Carta, in arte Nicola de Bànari, si forma in s’iscena tataresa de sos annos noranta. Boghe, flautista e autore de sos Nasodoble de su 2004 ( tres albums prodùidos, bator videoclip e bìndighi annos de fainas concertistica ), irrompe in s’iscena musicale in su 2014 pro sa viralità e su scalpore destato de su petzu “Cazz boh”, cale in su 2016 don Luigi Ciotti cunferit su prèmiu “Mùsica contra sas màfias”.