Talentos musicales in su palcu a Tàtari

Si rinnovat s’apuntamentu on sos talentos in sa rassegna curada dae Bancu de Sardigna

A su bia a Tàtari, su 9 maju, sa de XVI editziones de sa rassegna “Cuntzertet in Sala Siglienti”, curada dae su Bancu de Sardigna cun s’obietivu de promòvere e premiare sas capatzidades de talentos musicales de valèntzia natzionale e internatzionale cun piessignu atentu a sos artistas sardos. Sa manifestatzione, organizada cun su coordinamentu artìsticu de s’Assòtziu culturale teatrale e musicale LABohème e su patrotzìniu de sa Comuna de Tàtari, e s’isvilupat in bator seradas, cun apuntamentu ogni giòvia a sas 19 in sa Sala Siglienti de su palatzu de sa diretzione generale, in piazzetta Bancu de Sardigna.

Su primu cuntzertu, su 9 maju, at a èssere dedicadu a sos primores de su Cunservatòriu “Luigi Canepa” de Tàtari e at a tènnere comente a protagonista sa giòvana pianista, Elena Pirisi. Su 16 maju su tema de sa serada at a èssere s’ispìritu pobulare in sa mùsica vocale de aposentu ispagnolu e italiana, cun su mezzosoprano Aloisa Aisemberg, acumpangiada a su pianoforte de Michele Nurchis. Su 23 maju est in programma unu donu a Cole Porter, unu de sos prus importantes autores americanos de musical. A sonare at a èssere unu cuartetu assentadu dae carchi de sos mègius dischentes de su cursu de Jazz de su Cunservatòriu tataresu. Su 30 maju, infines, sa rassegna s’at a concruire cun mùsicas de Brahms esecutadas dae su sestetto de arcos Enarmonia.

“Pro su Bancu de Sardigna sos primores de s’ìsula, in totus sos campos, sunt unu mannu motivu de altivesa e sos giòvanos in modu piessignu, pro ite sunt su nostru benidore”, decrarat su diretore generale de s’istitutu de crentia, Giuseppe Cuccurese. “EST un’immensu geniare incoragire sos giòvanos talentos e los agatare in sos annos protagonistas de unu percursu ricu de resessidas e de satisfatziones. Custu est s’augùriu chi giremus a sos mùsicos nostros chi, nde so tzertu, ant a ischire torrare ùnica fintzas custa editzione de sos Cuntzertos in Sala Siglienti”. Una sala chi su Bancu de annos at postu a disponimentu de sa tzitade e chi at a èssere possìbile bisitare in ocasione de s’abertura istraordinària pro “Monumentos Abertos”, sàbadu 4 maju de sas 17 a sas 20 e domìniga 5 maju de sas 10 a sas 13 e de sas 16 a sas 20.