Adiosu a meningite de meningococco Bcc11

Battaglia mèdica binta cun preventzione e meighinas contra su meningococco

A un’annu de s’insorgenza de s’ùrtimu casu e de s’allarme generadu in totu sa Sardigna, sa meningite de meningococco Bcc11 in s’ìsula si podet cunsiderare derrotada. A annuntziare sa vitòria fruto de sa profilassi e de sas campagnas de vaccinazioni postas in atu de sas istitutziones sanitàrias regionales, sunt sos espertos de Vaccinarsinsardegna.org, su sitiadu internèt ispetzializadu, curadu dae s’Aou de Tàtari in collaboratzione cun s’Universidade tataresa. “Essende coladu un’annu de s’ùrtimu casu de meningite atribuìbile a su meningococco Bcc11 chi in sos primos meses de su 2018 at causadu 5 casos in giòvanos chi aiant frecuentadu discotecas de s’àrea cagliaritana, su cluster si podet cunsiderare esaurito”, annùntziat s’iscuadra de Vaccinarsinsardegna in ocasione de sa Chida mundiale de s’Immunizzazione.

“Durante sos primos bator meses de su 2018 sunt istados registrados in Sardigna oto casos de maladia meningococcica de sierogruppo B. Custu tenet destato unu forte allarme in sa populatzione, siat pro ite sa contzentratzione de sos casos in unu perìodu de tempus in manera relativa curtzu at evidentziadu una crèschida de sa patologia respeto a su passadu faghende gai aboghinare a s’epidèmia, siat pro ite sunt istados corfidos in prevalèntzia sugetos giòvanas, cun a dolu mannu fintzas èsitos letali, contribuinde a crèschere in sa populatzione s’arriscu coberadu de pericolosità de custa maladia”, ispiegant sos espertos de Vaccinarsinsardegna e de s’Osservatòriu epidemiològicu de s’assessoradu regionale a sa Sanidade.

De custos oto casos, “solu 5 fiant sustentados dae su matessi ceppo Bcc11, totus osservados in s’àmbitu de unu grupu de piseddos chi aiant frecuentadu sas discotecas de su cagliaritano tra sa fine de su 2017 e sos primos meses de su 2018. Sos àteros tres episòdios sunt istados sustentados dae duos ceppi distintos de meningococco B, unu Bcc41/44 chi at causadu duos casos, un’antzianu e sa sua badante in su nugoresu, e unu Bcc213 in un’adultu de Carbònia”, sighint sos epidemiolog. A oe, a distàntzia de un’annu, non sunt istados registrados unos àteros casos sustentados dae cussu ceppo de meningococco, e duncas su cluster si podet cunsiderare esaurito”.