Isciòperu aèreos, stop 28 bolos de e pro Sardigna

Su motivu de s’isciòperu de Alitalia est pro otènnere aèreos prus mannos

Medas annullamentos de bolos in Sardigna in sa die de su de s’isciòperu de su setore de su trasportu aèreu proclamadu in manera unitària de Filt Cgil, Fit Cisl, Uiltrasporti e Ugl Trasportu Aèreu pro s’intrea die de martis 21 maju, cun ripercussioni fintzas subra duos bolos mèrcuris 22. Sunt difatis 28 sos bolos burrados dae Alitalia chi in s’Ìsula gestit su servìtziu de continuidade territoriale tra sos iscalos sardos de S’Alighera, Casteddu e Terranoa e sos hub natzionales de Roma Fiumicino e Milanu Linate.

De Casteddu ant a brincare oto collegamentos in partèntzia e ateretantos in arribu; in s’iscalu gadduresu stop a duos bolos in partèntzia e bator in arribu a cale s’agiunghet su Terranoa-Milanu Linate de sas 7 de su mangianu burradu pro mèrcuris 22; Subra S’Alighera stop a tres bolos in arribu e a unu bolu pro Roma cras a sas 12.50 e pro Milanu de sas 7, pusticràs. Ant a èssere garantidas sas fascas amparadas tra sas 7 e sas 10 e tra 18 e sas 21.

Pro limitare sos discumbènios de sos passigeris, Alitalia faghet ischire in su pròpiu sitiadu web de àere ativadu “unu pranu istraordinàriu chi previdet s’impreu de aèreos prus capienti in sas rotas domèsticas e internatzionales, cun s’obietivu de riprenotare sos biagiadores interessados in sas cancellazioni in sos primos bolos disponìbiles in die: su 60% de sos passigeris at a chessire a biagiare in sa matessi die de su 21 maju”.