Cassatzione non reconnoschet a sos fìgios de duos babbos

I giùighes de s’Arta Curtas de cassatzione at decretadu chi sas còpias omosessuales podent feti adotare”

Sas còpias omosessuales chi ant tentu unu fìgiu a s’èsteru naschidu cun sa maternidade surrogada non podent otènnere in Itàlia sa trascritzione a s’anagrafe de s’atu de figliazione de su pipiu, reconnota in su paisu istràngiu. Una sentèntzia chi ponet noos presupostos in sa definitzione matessi de famìlia in s’istadu nostru. L’at detzìdidu sa Cassatzione sutaliniende chi pro sas còpias omosessuales abarrat aberta su caminu de s'”adotzione piessigna”. Su verdetto est “a tutela de sa gestante e de s’istitutu de s’adotzione”.

Su detzisu est istada pigada dae sas Setziones Unidas de sa Corte de Cassatzione cun sa sentèntzia 12193, pùblica oe in cale benit ispiegadu chi “non podet èssere trascritu in sos registros de su bistadu tzivile italianu su provedimentu de unu giùighe istràngiu cun cale est istadu atzertadu su raportu de filiazione tra unu minore naschidu a s’èsteru mediante su ricursu a sa maternidade surrogada e unu sugetu chi non tèngiat cun su matessi carchi raportu biològicu, su gai naradu genitore de intentzione”.

Sa sentèntzia at refudadu “sa dimanda de reconnoschimentu de s’eficatzidade de s’anteditu provedimentu, chi riguardat duos minores cuntzepidos dae unu de sos cumponentes de una còpia omosessuale mediante su ricursu a sa procreazione in manera mèdica assistida, cun sa collaboratzione de duas don, una de sas cales aiat postu a disponimentu sos ovociti, mentras s’àtera aiat provididu a sa gestazione”.