Social tenent un’efetu limitadu in su benèssere de sos tenager

Istùdiu Gb susu ultres 10mila piseddos e s’impreu de sos social: contant prus famìlia e amigos

In manera contrària a cantu fatzat a pensare, sos social mèdia tenent un’efetu modestu in sa cuntentesa de sos teenager, mescamente si cunfrontadu cun cuddu de famìlia, iscola e amigos. L’afirmat un’istùdiu giutu dae s’universidade de Oxford e publicadu dae sa rivista de s’Acadèmia de sas Sièntzias de sos Istados Unidos (Pnas).

Sa chirca est istada giuta tra su 2009 e su 2017 susu ultres 10mila piseddas e piseddos tra 10 e 15 annos, de cales est istadu compidadu su tempus passadu in sos social ogni die e a cale est istadu pedidu de dare unu cabu in sa pròpia satisfatzione respeto a diferentes aspetos de su chintu. In sos datos sunt istados posca giutas ultres 2mila anàlisis, chi ant ammustradu chi sos pitzocos chi colant prus tempus in sos social tenent una probabilidade solu in manera lèbia superiore respetu a sos unos àteros de afirmare de no èssere satisfatos de su pròpiu chintu.

“Sas mudadas in s’impreu de sos social mèdia podent ispiegare feti su 0,25% de eventuales mudas in sa satisfatzione issoro de chintu un’annu a pustis – afirmant -. A su contràriu, flutuatziones in su benèssere ispiegant solu su 0.04% de sas mudadas in s’impreu de sos social un’annu a pustis de, un’efetu in manera estrema minore”.

Sos efetos mesurados so meda prètzisos pro piseddas e piseddos, ispiegat s’artìculu. Solu in sas piseddas chi si sentint prus pagu satisfatas de carchi aspetu de su pròpiu chintu b’at una minore riduzione in s’impreu de sos social, ma s’efetu abarrat modestu.