Ichnusa: lìnia “bòidu a bonu torrare” pro respetu de s’ambiente

Nou progetu de su semu de birra Ichnusa pro respetu de s’ambiente

Ichnusa rilantzat su remenu in sa difesa e su respetu de s’ambiente inaugurende sa lìnia dedicada “Bòidu a bonu torrare”. Su nou impiantu est istadu presentadu in anteprima a s’istampa in s’istabilimentu de Assèmini, su prus antigu birrificio de sa Sardigna. A ghiare sa bìsita Luigi Paciulli, mastru birraio, e Alfredo Pratolongo, diretore Tzita e Afares istitutzionales de Heineken Itàlia.

Su progetu chi at permìtidu de reduire semper prus sa cantidade de bidru impreadu e de respetare s’ambiente faghet unu passu a in antis. S’istòricu semu de birra sardu mantenet sa traditzione e proponet una noa lìnia de confezionamento. Si reconnoschet de su tapu birde e de s’iscrita “respetu, riuso e remenu”, in su collarino de s’ampulla de 66 cl, su formadu prus bèndidu in Itàlia, ma fintzas de 33 e 25 cl.

Est destinadu àncora pro su prus a sos tzilleris e a sa ristorazione. Su “Bòidu a bonu torrare” permitet su torro a impreare de sa matessi ampulla pro ultres binti annos, si reduit in manera sustantziale sa cantidade de bidru e si segant de ultres su tres unu sas emissiones de gas a efetu serrat. Unu passu a in antis in diretzione de sa filosofia sostenibile chi semper prus isposa su brand.

“Cun unu recadimentu fintzas in tèrmines de ocupatzione – ispiegat Alfredo Pratolongo – su Birrificio Ichnusa at creschidu de su 20% sa fortza traballo, cun s’assuntzione de 16 persones a tempus indeterminato, a cale s’acostàgiant ulteriores 30 risursas in su perìodu de arta istajone. In totale traballant oe in su birrificio Ichnusa 97 dipendentes, cun s’induidu s’arribbat a ultres 2000 traballadores interessados”. “Ichnusa est una birra chi caraterizat una regione. De su 1912 su brand unit traditzione e innovatzione, collinde su mègius de su passadu ma cun s’ograda semper furriada a su benidore”, sutalìniat Luigi Paciulli.