Stress de traballu, mèdicos italianos sos prus esauriusu de Europa

Consulcesi afilat campagna #BurnoutInCorsia pro valutare su stress de traballu

Notes in biancu, sighidas dae pasos tropu breves in antis de unu nou turnu in corsia. De soles a sighire deghinas de malàidos, in sos coddos sa responsabilidade de sa salude e de su chintu de sos malàidos. Cunditziones chi càusant ispetzialmente tra sos dutores ospedalieri, ultres chi profunda insoddisfatzione lavorativa, beras sìndromes de esaurimentu in pertzentuale majore respetu a sas unas àteras professiones. Lu sutalìniat su segretàriu natzionale de su sindacadu CoAS Mèdicos dirigentes Alessandro Garau, ammentende fintzas su detzisu de s’Oms de reconnòschere sa sìndrome de su burnout, su gai naradu stress de traballu.

Consulcesi, grupu de riferimentu pro 100 mila mèdicos, sutalìniat chi segundu un’ iscumbata giuta in 12 Paisos de s’European Generale Practice Research Network, sos càmitzes biancos italianos tenent unu livellu de stress belle dòpiu (43%) respetu a sa mèdia europea (22%). E pro custu lantza in sa pàgina sua Facebook sa campagna #BurnoutInCorsia, cun s’obietivu de cumpartzire e aprofundire sas esperièntzias chi batint a sa sìndrome de burnout tra sos operadores sanitàrios. In sos Istados Unidos sas cosas no andant mègius.

Su Report 2019 realizadu dae su portale sientìficu Medscape National Physician Burnout, Depression & Suitzidas, referit chi su 50% de sos operadores sanitàrios intervistados at afirmadu chi su burnout influit in sa cura de sos malàidos. Sos datos si referint a unu campione de 15.069 dutores de 29 ispetzializades diversas, iscurtados tra fine trìulas e metade santugaine 2018: su 44% de sos intervistados at tentu a chi fàghere cun sos sìntomos de su ‘burnout’, pertzentuale in aumentu respeto a su datu de sa pretzedente anàlisi (42%). Su 53% at cunfessadu chi custu bistadu “at influidu in s’assistu de su malàidu”, su 26% at decraradu “de èssere prus pagu motivadu” e su 14% “at naradu de àere commitidu errores chi non diat àere fatu si no esseret istadu gai istracu”.