David Guetta protagonista a Arbatax a su Red Valley

Sa star internatzionale David Guetta a su Red Valley Fèstival a metade austu

Su dj e produtore frantzesu David Guetta at a èssere sa superstar internatzionale de su Red Valley Fèstival in programma de su 14 a su 17 austu a Arbatax. At a èssere issu a dare su bia a sas dantzas sa prima die de sa manifestatzione. Mentras sa serrada é giai istada annuntziada: in su palcu su rapper de sos rècords Salmu su 17 austu.

Guetta naschet a Parigi e incumentzat sa carriera sua a solos 17 annos in sos tzìrculu pariginos, pro posca approdare a Ibiza in beste de dj resident de su Pacha e de s’Ushuaia. S’elencu de sas collaboratziones est longu e importante: de Rihanna a Usher, Justin Bieber, Nicki Minaj ma fintzas Afrojack e Martin Garrix. S’ùrtimu album suo “7” publicadu su 14 cabudanni 2018, at segudadu sa prima positzione subra iTunes a livellu mundiale durante su weekend de sa bessida, conchistende prus de 1 milliardu de streaming e torrende Guetta su de ses artistas prus iscurtadu subra Spotify, cun 40 milliones de ascurtadores mensiles.

In printzìpiu est istadu un’ idea, unu progetu, un’ codìssia. In printzìpiu est istadu tra sos mègius fèstivals EDM mai organizados in Sardigna. In printzìpiu est istadu Steve Aoki, Deorro e mannos guest natzionales. Oras su Red Valley Fèstival est una de sas manifestatziones prus interessantes de s’intreu panorama natzionale, una de sas location prus ammajadoras e piessignas ue est possìbile acasagiare sos mègius artistas de s’iscenàriu musicale atuale.

Ocannu su Red Valley Fèstival lompet a sa 5° editzione ma sa filosofia sua non càmbiat: su palcu, sos giogos de lughes, sa mùsica, s’energia de su pùblicu, sas notes de austu, un’iscenàriu naturale biu, coloradu, beru.

De su 14 a su 17 austu su Red Valley Fèstival si preparat a spaccare su Piatza·las Rocas Rujas de Arbatax