Abbanoa: Gallus, boom slacci Aristanesa

Interrogatzione in Cussìgiu, gestore Abbanoa frunat datas ùrtimas 6 meses

Òrdines de pagamentu, tasiduras de sa frunidura de abba potàbile, pignoramenti de contos, depòsitas, pensionas e istipèndios. Sutzedet in s’Aristanesu a centinaia de migliaia de impitadores de Abbanoa, segundu cantu denuntzia su cussigeri regionale de su grupu Mistu Domenico Gallus, chi est fintzas sìndigu de Paule.

Su primu tzitadinu si referit in piessignu a Aristanis tzitade e paisos lacanàrgios (Terrarba, Siamaggiore, Ollasta, Crabas) e at giai depositadu un’ interrogatzione a su presidente de sa Regione Christian Solinas e a s’assessore a sos Traballos pùblicos Roberto Frongia pro connòschere sos datos de su fenòmenu denuntziadu, referidos a su perìodu tra nadale 2018 e maju 2019.

In piessignu Gallus pedit chi bèngiat fata craresa in su nùmeru cabale de òrdines notificados, de sas esecutziones at printzipiadu, de slacci pro crètida morosità. Ma fintzas in s’ammontare de sas sommas incassadas dae s’ente pro mèdiu de sos cobros coattive de su 1 ghennàrgiu 2017 a oe, puru de sos costos de gastos legales sustentados. In s’interrogatzione Gallus dimanda fintzas delucidazioni in su nùmene de sos legales a cales Abbanoa at afidadu sos incàrrigos pro fàghere sos protzedimentos de cobru coattiva, cun dillindada de sos cumpensos retzidos. Infines lantza una proposta: un’acòrdiu pro cunsentire a sos destinatàrios de sos òrdines de pagare saldu e stralcio tra su 20% e su 30% de sas sommas rechertas.