Tumore sinu, “Pap flap” noa frontera

Microchirurgia Aou Casteddu tra mègius istruturas in Itàlia cun su “Pap flap”

Casteddu a s’avanguàrdia in sa ricostrutzione mammaria microchirurgica a pustis de su tumore a su sinu. Sa noa frontera? “Pap flap” e “Diep flap”, est a nàrrere prelievo de lembi de sas cosce e de s’addome. Una tècnica innovativa in cale est leader s’istrutura complessa de Chirurgia plàstica e Microchirurgia de su Policlìnicu ‘Duilio Casula’, dirìgida dae su professore Andrea Figus, in custas dies a Bologna cumbidadu a su Cungressu Mundiale de Microchirurgia pròpiu pro presentare sos resurtados otentos cun custa tipologia de interventu.

“A abrile nch’ant cumbidadu in Danimarca acanta sa Sotziedade Danesa de Microchirurgia – ispiegat Figus – a maju in s’importante teatru de s’Oxford University in Inghilterra: b’at mannu riellu pro sas resessidas otentas, in piessigna cun su lembo ‘pap’, tècnica innovativa in sa cale s’AOU de Casteddu est capofila in Itàlia e tra sos tzentros prus connotos in Europa”.

Ativa ufitzialmente de freàrgiu, s’Istrutura complessa s’est afirmende in Sardigna e rapresentat oramai una realidade in su panorama natzionale e internatzionale de sa chirurgia ricostruttiva. In sos ùrtimos duos annos sunt istados esecutados prus de 140 interventos complessos cun lembi microchirurgici. “A s’AOU de Casteddu – contina su prof – sos malàidos cun diagnosi de tumore a su sinu podent èssere tratadas, a s’internu de unu percursu terapèuticu, de un’iscuadra multidisciplinare retzinde una ricostrutzione ritagliata subra medida in base a caraterìsticas personales, istòria clìnica e netzessidade. Sa ricostrutzione mammaria est possìbile siat in manera contemporànea a sa rimotzione de su tumore (ricostrutzione immediata), siat s’in casu non siat istada esecutada in manera pretzedente (ricostrutzione diferida) o in sos casos de fallimentu o insoddisfatzione a pustis de ricostrutziones cun dispositivos protesici (ricostrutzione segundària)”