Imbeniente iPhone cun tres fotocàmeras

Indiscrezioni, e in su 2020 duos mollos de iphone cun su 5G

Manca carchi mese a su làntziu de sos noos iPhone e est giai incumentzadu su tam tam de sas indiscrezioni in retze. Segundu su ‘rumor’ bènnidu de su produtore de atzessòrios Olixar, sa benidora lìnia de melafonini at a èssere caraterizada dae unu design belle aguale a sa generatzione pretzedente, a accezione de s’ala posteriore.

Su cumpartu fotogràficu, difatis, at a tènnere tres fotocàmeras e at a èssere postu a s’internu de unu minore cuadrante. Unu sèberu istilìsticu ladinu chi at a pòdere fàghere faeddare, comente a at capitadu in comintzu cun sa ‘tacca’ in su display introduida sa prima borta in s’iPhone X in su 2017 e posca copiada dae unos àteros produtores.

Comente chi non bastaret arribbant fintzas sas indiscrezioni pro s’iPhone de su 2020. Segundu s’analista Ming-Chi Kuo b’ant a àere duos mollos cun connettività 5G e unu cun Lte. E totus sos benidores smartphone Apple diant pòdere èssere caraterizados dae su display Oled. Nche diat dèpere èssere semper un’iscrezeniadura in sas dimensiones. Su mollu prus minore diat falare a 5.4 pollici respetu a sos atuales 5.8 e su mollu ‘Max’ diat artziare de 6.5 a 6,7 pollici. Su sutzessore de s’atuale iPhone XR imbetzes diat dèpere èssere cuddu de 6.1 pollici, cun diagonale invariada.