Google afilat sos sms 2.0, disafiu Apple

Noos messàgios sms 2.0 in arribu subra smartphone Android in Frantza e GB

Google est prontu a afilare sos Sms 2.0, e est a nàrrere su nou protocollu – mutidu Rich Communication Services, Rcs – chi cunsentit a sos vecchi messaggini de si fàghere multimediales. No àncoras adotados dae sos operadores telefònicos, sos gai narados “Sms+” ant a èssere introduidos dae Google in sos smartphone Android in Frantza e Regnu Unidu, in sa chi diat pòdere rapresentare unu disafiu a iMessage de Apple.

Su Rcs, chi cun Google at a pigare su nùmene de “Chat”, est prètzisu a sos messàgios de Apple, ma si diferèntziat de custos e de unas àteras chat comente a WhatsApp e Signal pro ite mancat sa cifratura end-to-end, chi amparat sos messàgios de ogros indiscreti. Nointames sa cumpangia de Mountain View est pronta a remediare, nessi segundu cantu referidu dae unu manager a su sitiadu The Verge.

“Creamus chi sa tzita, in piessigna sa messaggistica, siat altamente personale e chi sos impitadores tèngiant su deretu a sa privatesa pro sas tzitas issoro. E siamus impinnados a agatare una solutzione”, at naradu Sanaz Ahari, manager de Android Messages. Su Rcs, at agiuntu, at a arribbare in unos àteros Paisos in su cursu de s’annu.