Ativas 45 guàrdias mèdicas turìsticas

Ambulatori cun prestatziones a pagamentu pro sos non residentes arribbant sas guàrdias mèdicas turìsticas

Cun s’arribu de s’istiu s’Azienda pro sa Tutela de sa Salude at ativadu 45 guàrdias mèdicas turìsticas, ambulatori dedicados a chi at a seberare sa Sardigna pro colare sas pròpias vacàntzias. Ant a èssere operativas giai in sas imbenientes dies. Sas guàrdias mèdicas turìsticas so istruturas pùblicas chi assigurant s’assistu sanitàriu de base a sos non residentes, sete dies sa chida. Su dutore de s’ambulatorio podet prescrìvere meighinas, rechèrrere esàmenes diagnòsticos e bìsitas specialistiche e formulare propostas de ricòveru subra ricettario de su Servìtziu sanitàriu natzionale, podet fintzas emìtere tzertificatziones de maladia.

In casu de netzessidade podet segudare fintzas su domitzìliu de su malàidu. Sas prestatziones so faghides a pagamentu segundu su tariffario istabilidu dae sa Regione chi previdet unu cumpensu de 16 èuru pro sas bìsitas ambulatoriali, de 30 èuros pro sas bìsitas domiciliari e de 8 èuros pro sa ripetitzione de òbligu mèdicu, misuratzione de sa pressione, tziclu de medicatziones e terapias iniettive.

In sos casos de graves patologias chi cumportant prestatziones specialistiche ospedaliere apretosas nche si depet imbetzes girare a su Prontu Sucurru de s’ispidale prus probe, pro sos apretos imbetzes bisòngiat mutire su 118. S’Ats ammentat annotamala chi est possìbile averguare s’istadu de isetu de sos Prontu Sucùrridu e s’istrutura prus serente colleghende·si a su portale monitorps.sardegnasalute.it . S’elencu de sas guàrdias mèdicas turìsticas est disponìbile a s’indiritzu de sa regione sardegna