Banca datet contra erosione costas sardas

Telecàmeras in sos litorales de sas costas sardas e preavisu anti inondazione

Chimbe telecàmeras chi tentant sas marinas e sas costas sardas de Chia a su Poetto in funtzione anti maregiadas e erosione. Cun s’isperimentatzione de unu sistema de preavisu contra s’arriscu de inondazione costera. E posca sas cartas de identidades de sos arenili cun unos cilindretti trasparentes chi custoint su Dna de s’arena: in casu de interventu o de ripascimento su cunfrontu at a andare fatu cun custos campiones.

So carchi de sos puntos a fortza de su Medcoastlab, su laboratòriu inauguradu custu manzanu dae in antis su portu de Casteddu chi imparet su traballu de su grupu de chirca ghiadu dae Sandro Demuro, su Coastal and marinas geomorphology group, de su dipartimentu de sièntzias chìmicas e geològicas de s’Universidade de su cabulogu, cun cussu de sos Battellieri de Casteddu e de Sardigna Progetat. “S’arriscu pro sas marinas sardas arribbat non tantu de sas maregiadas chi si repitent de annu in annu – ispiegat Angelo Ibba, unu de sos espertos de su progetu – ma de sa mancada salvaguàrdia de sa zona dunale retrostante chi faghet parte de su sistema marina e amparat s’arenile: cue bisòngiat evitare su coladòrgiu de sos bagnantes”.

Su Medcoastlab est sa sede de sa banca datet de su sedimento de sas marinas de sa Sardigna. Sa faina realizada dae sos ricercadores in custos annos at cunsentidu de cartografare s’àrea costera cumprèndida tra Villa de Orri e Oru ruju e tènnere in tenta sa memòria geològica e istòrica de sas marinas. Su nou laboratòriu est unu de sos resurtados de su progetu Neptune. Pro mèdiu de sa faina sua de chirca Medcoastlab at a pòdere frunire, a chi s’òcupat de sos litorales, informatziones pretzisas e pretziosas pro sa gestione de sos ecosistemas.