Metanu: Solinas, nodu tzentrale est tarifat

Mesa in Regione cun sos sindacados subra energia e metallurgia pro su metanu

“Su nodu tzentrale est sa tarifa de su metanu: depet èssere comente a sa chi si paga in su restu de su Paisu e non faghet a pensare chi Arera (Autoridade de regolazione pro energia retzes e ambiente) nd’impòngiat a sos sardos una diferentziada faghende pesare su costu de s’insularità”. L’at naradu su presidente de sa Regione Christian Solinas, in antis de sa mesa cunvocada a Villa Devotu cun sos sindacados pro fàghere su puntu in sas chistiones de s’energia e de sa metallurgia.

Su guvernadore faghet riferimentu a su documentu publicadu dae s’Autoridade su 9 maju e chi cuntenet sas lìnias de interventu pro sa regolazione de sos servìtzios de distributzione e medida de su gas pro s’imbeniente perìodu de regolazione 2020-2025. Lìnias chi prospettano solutziones sfavorevoli pro sos sardos. Tando, ispiegat su guvernadore, “a custu puntu su mannu disafiu est sa regulamentatzione cun Arera”. Ma in antis de afrontare custu problema, bisòngiat fàghere arribbare su gas in s’Ìsula. “Su guvernu italianu at sutascritu unu patu cun sa Sardigna chi previdet sa realizatzione de un’infrastrutura importante pro dotare s’Ìsula de su metanu – sighit Solinas – deo creo in sa continuidade amministrativa e amus a averguare in su puntu si su guvernu atuale bolet modificare sos tèrmines de s’acòrdiu”.

Sinora, agiunghet, “sas impresas nostras e sos nostros tzitadinos ant giai pagadu bastante su fatu de sa mancada metanizzazione cun unos costos bios chi ant torradu prus pagu cumpetitivas sas aziendas”. Dae inoghe sa netzessidade de realizare sas infrastruturas “in su prus breve tempus possìbile”.